انقسام شيطاني (4)والاخيرة "الحقيقه لن تظهر ابدا""

انقسام شيطاني (الأخيرة)

انا : بس انا هقول للكل الحقيقه ..
سينار : هتقولي إيه ولمين .. بصي حواليكي كدا !
انا بصيت حوالياا وانهارت ع الأرض ، انا في قفص الاتهام ليهههه
اسحاار : اصلك بنت عاق قتلتي باباكي عشان الفلوس
انا : بابااااااا !!
اسحار : اة بابا (بسخريه)
انا : انتى الي قتلتيه مش اناا .. انتى مجنوونههه
اسحار : انتي الي مجنونه وملبوسه وهتتعدمي وزي معرفتي باباكي كان بيحضرني عشان ينقذ مامتك يعني انتي قتلتي باباكي وكمان كنتي سبب في ضياع مامتك فى عالم الجن *ضحكه شريره واختفت*
لين (بصراخ) لاالااا ارجعي ارجعي قوللهم اني معملتش حاجه قوللهم اني مقتلتووش ارجعيي
"رفعت الجلسه"
دخل وقتها القاضي وهو يتحدث بروتينيه الي ان قال: ما رأيك في التهمه المنسوبه اليكي وهي قتلك والدكي المدعو اشرف عماد الدين فرج !
لين (بصراخ) : مقتلتوش والله مقتلتوش ، دي سينار والله سينار ،، وهيا الي خطفت ماما لعالم الجن ،، والي دمرت حياتي ،، ساعدوني انا مظلومة والله مظلومه
وقف لؤي وقتها : حضرة القاضي انا بطلب التأجيل ، بطلب مهلة اجيب لسيادتكم الدليل القاطع ببراءة اختي وبإدانة عناصر سفليه
القاضي وهو يزم شفتيه : عناصر سفليه وجن ! يا استاذ لؤي احنا ف الواقع مش الخيال ، مع ذالك المحكمه هتديلك مهلة 24 ساعه تقدم فيها الادلة دي ، وإلا هيتم ادانة الجانيه وتحويلها للمحاكمه بدون اي تأجيل اخر ،،
لؤي بتوسل : طيب 74ساعه يا فندم ارجوك
القاضي وهو ينظر لمن حوله :  يومين فقط يا استاذ لؤي
لؤي : شكرا يا فندم شكرا جداا
" يتم تأجيل الجلسه ليوم الاحد الموافق 28\5\2017
"رفعت الجلسه"
جلس لؤي مع لينا بعد الجلسه
لؤي : لينا احكيلي كل حاجه من غير متخبي حاجه ابداا
لينا : قصت علية كل شئ ،، بس انا معايا القلم الي بيسجل الي قلتلي هينفعني في محضرات الكليه اعتقد انه كان معايا من اول يوم ،، تفتكر هيفيد !
لؤي (بأمل ) : سجلتي عليه كل حاجه !
لينا : تقريبا
لؤي : هاتيه وانا هتصرف
العسكري :  يلا يا حضرة كفايه كدا
لؤي : خدي بالك من نفسك يا لينا وخلي الفلوس دي معاكي اوعدك هطلعك من هنا ف اسرع وقت
ذهب لؤي سريعا واستمع لتسجيلات لينا ،، صوت لينا فقط الظاهر  !!!
راح لؤي لصاحب ليه مهووس بعالم الديب ويب والجرائم الخفيه
وعنده كتب عن السحر والجن وعبده الشيطان وغيرهم
لؤي : فارس محتاج مساعدتك في حاجه
فارس : اكيد يا لؤي اي حاجه تطلبها
قص عليه لؤي كل شئ من البدايه
فارس : اصواتهم بتكون تردداتهن مختلفه ،، و مبيسمعهمش غير الي عيزينهم يسمعوه ،، انا هحاول اوصل للترددات دي ،، بس دا في خطر ع التسجيلات يا هتنجح ، يا الصوت هيختفي خالص
لؤي: مقدمناش غير المحاولة ،،
فارس :سبيلي اسبوع وهقولك صابت ولا خابت
لؤي: مقدمناش فرصه غير يومين ، اليوم التالت اختي هتكون بتتحاكم
فارس : هو صعب جدا ، بس صدقني انا هعمل كل الي اقدر عليه وزيادة
لؤي: متشكر جدا يافارس هعدي عليك بليل
ذهب لؤي الي المنزل وكان في انتظاره زوجته واطفاله
ضحى: لؤي عملت ايه فين لين مطلعتش معاك ليه !
لؤي : هتتحبس على زمة التحقيق
ضحي وهي بتصرخ : بس هيا معملتش حااجه !! انا متأكدة
لؤي : اهدي يا ضحى انتي بتقوليلي انا مناا عاارف
ضحي : بس انا عندي الدليل (بتوتر)
لؤي : وساكته ليه اي هو الدليل !!
ضحي وهي تخرج دفترين متوسطين الحجم من المكتب : دي مذكرات بابا اشرف الله يرحمه
لؤي : لقتيهم فين !!!

-هحكيلك
( من يومين جيلان وياسر كانو بيلعبو ودخلو اوضه جدهم، ولما دخلت اجيبهم لقيتهم فاتحين باب كان ورا ستاره ، الفضول شدني ،، سيبتهم مع الداده وقولتلها هنضف اوضه بابا وفيها اوراق مهمه مش عيزاها تضيع ،، ولما فتحت الباب كان في ممر لقيت كتابات علي الحيطان وحاجات غريبه بعدين وصلت لاوضه فيها كرسي ومكتب ومتعلق فيها صورة مامتك
ولقيت الدفاتر دي اخدتها وطلعت بسرعه وقفلت الاوضه ورتبت كل حاجه وطلعت
لؤي : قريتيهم !
ضحي : اها قريتهم وياريت تقراهم بنفسك احسن
لؤي اخدهم ودخل اوضه لوحده وابتدا يقرا

اول صفحه : لؤي انا عارف انك هتلاقي الدفتر دا ف يوم واكيد ف اليوم دا هكون مش موجود
انا عايزك تسامحني علي كل حاجه وتسامح مامتك لانها مكنتش قصدها تأذيكم
انا هحكيلك كل حاجه من الاول
فلاش باك من 30 سنه

اشرف : يعني اي يا فريدة ؟!
فريده : يعني لو مش عاجبك حياتي طلقني يا اشرف
اشرف : والي ف بطنك !
فريده : الي ف بطني دا ابني ملكش دعوة بيه
اشرف ( يمسك شعرها) : ابنك دا الي عايزه تشوهيه قبل ميتولد بالسحر وتحوليه لهجين
فريد (بألم) : مستحيل أأذيه انا بحاول اخليه احسن
اشرف وهو يسحبها معه الي احد الغرف الخاليه : انتي هتقعدي هنا لحد ميعدي اخر 4 شهور وتولدي ، وبعدها نبقا نشوف
فريده جلست علي الارض تبكي : طلعني افتح الباب انا عايزه امشي طلقني يا اشرف
بعد مرور 4 اشهر في المشفي
اشرف : حمدلله ع السلامه يا فريده

فريده :خلاص عملت الي انت عايزه؟ طلقني بقا وخد بنتك وسيبوني في حياتي خد عيالك وابعد عني

اشرف وهو يحمل الطفله: قومي يا فريده نروح بيتنا الدكتور كتبتلك علي خروج ونتكلم ف الموضوع دا لما تشدي حيلك 

فريده: انا مش عيزاك يا اشرف مش عيزاك

اشرف(بزعيق) :بقولك قومي

فريده قامت بخوف ودخلت الممرضه تساعدها تجمع حاجتها وتلبس وفعلا ركبو العربيه واتجهو لفيلتهم دخلت فريده بسرعه علي البدروم وقفلت الباب

اشرف: افتحي الباب يا فريده نتكلم بهدوء

فريده: مفيش كلام بينا يا اشرف انا ساحره وبعمل سحر اسود وبتعامل مع الجن ، وكنت مواعده ملكه من الجن اني هديلها ابني كهديه وقربان عشان تسخر عشيرتها لخدمتي بس للاسف خلفت بنت ولؤي بقا كبير ومينفعش وسيبني اتصرف قبل متغضب عليا وتعمل حاجه فيك وفي العيال

اشرف (لونه اصفر من الخوف واتجه ببنته لاوضته) وقعد يفكر هيعمل ايه

عدي كذا يوم وفريده مبتخرجش مجرد انه بيحطلها الاكل قدام الباب وبس وبيطمن عليها لما يلاقي الصينيه فاضيه بس عدي اكتر من يوم وهيا مبتاخدش الاكل ، خاف عليها وقرر يخبط عليها بس ملقاش رد فتح الباب بهدوء لقى أن المكان متكركب كأن حصلت خناقه وهيا ملهاش اثر ،

اشرف: قولتلك يا فريده السكه دي ملهاش اخر ولا ينفع ترجعي منها (وبدموع)هتوحشيني 

وقرر انه يقفل البدروم علي كل حاجه فيه وان مش هيتفتح تاني ، وسخر حياته لبنته وابنه بس وعدت سنين ومع تساؤلاتهم عن مامتهم وقد اي هما محتاجينها قرر أنه هيحاول بأي طريقه يرجعها وبدأ يقرأ في الكتب بتاعتها ويتعلم وجه اليوم الي هيستدعي فيه الي خطفتها عشان يساومها بأي ثمن وحصل الي حصل(اتحكى في الفصل التالت)

يومها انا خوفت علي لين واستغفرت ربنا كتير اوي وقررت انسا كل ده ، بس بدأ يجيلي رسائل تحت المخده لونها اسود وكأنها جايه من الجحيم كانت من واحده اسمها سينار بتستنجد بيا اني اكمل الطقوس عشان تعرف ترجع عالمها ، والحقيقه اني خوفت ف بقيت احرق الرسايل دي واعمل نفسي مخدتش بالي لحد م في يوم لقيت لين داخله عليا الاوضه وفي أيدها كتاب مكتوب عليه طلاسم زي الي كنت بستخدمه في التحضير 

اشرف: جبتيه منين دا يا حبيبتي 

لينا بصاله ومبتردش 

اشرف :لينا ردي عليا

بدأت لينا تطلع اصوات زي الزمجره وفجأه قربت وخربشته وهيا بتتكلم بصوت زي مايكون جاي من الجحيم : اكمل الطقوس

فجأه صحيت وانا عرقان وباخد نفسي بالعافيه وقفت بسرعه ورضيت في المرايه، اثار الخرابيش علي وشي مكنش حلم 

بدأ يتكرر نفس المواقف الي مقدرش اقول انها حقيقه ولا أنها حلم لينا كانت دايما مرتبطه بالرؤيه دي بشكل أو بأخر ودا كان بيخوفني عليها اوي ، سينار بقت بتطاردني في كل مكان لحد مظهرت فحياتي في شخصيه سحر والي محدش كان بيشوفها غيري انا ولينا كانت دايما بتكون في اوضتي بقيت بتهرب من البيت بسبب اني مشوفهاش حاولت في يوم اني اخنقها بس اتبخرت بين ايديا زي السراب وقولت أنها اختفت وارتحت لكنها رجعت تاني يوم عادي كانت دايما بتهددني ب لين ، وبدأت الاحظ أن لينا مش طبيعيه دايما كانت بترجع من المدرسه بتعيط وتقولي سحر ضربتني رغم ان مفيش حد في فصلها اسمه سحر ولا في المدرسه كلها ؟

حتى لما كبرت كانت دايما تقولي سحر مش هتسيبنا ، سحر هتموتنا يا بابا وبقت تغيب لفتره وترجع بقيت مش عارف بنتي مالها ، لحد متجرأت وسألت سحر انتي عايزه ايه ، 

سحر :تكمل الطقوس

اشرف: حاضر هكملها

وفعلا في يوم كانت لينا في الجامعه وانت في بيتك مع مراتك وعيالك قررت اكمل الطقوس 

وانا في البدروم بكمل الطقوس ظهرت سحر وكان وراها لين وهي مغيبه تماما وعنيها مفتوحه بشكل مرعب سحر كان في ايدها سكينه ودبحت رقبتي ، بس انا ممتش الدم كان في كل مكان بينزل من رقبتي بشكل غريب بس انا عايش ؟ السكينه كانت في ايد لينا واغني عليها

سحر: جهز نفسك عشان هتيجي معايا كان لازم الدم عشان البوابه تتفتح انت مش هتموت انت هتعيش في عالمي ، مع مراتك اكيد وحشتك ( واختفت)

جريت بسرعه علي الاوضه وانا الدم بينزل من رقبتي في كل مكان وكتبت كل الي حصل في الدفاتر الي في ايدك دي عشان تعرف كل حاجه ، دليل وجود سحر في البدروم الرسائل والكتب لسه موجوده مبتتحرقش)

وانتهت الدفاتر علي كدا 

اتجه لؤي البدروم وفعلا لقى الرسايل زي موصفها باباه والكتب جمعهم في شنطه واتجه لأوضاع عشان يغير هدومه ويروح لفارس ، وهو بيطلع هدومه لقا رساله في الدولاب شبه رسايل سينار ، كان مضمونها

"عزيزي لؤي انا والدك اشرف ومعي فريده والدتك ، نرسل لك تحياتنا وبعد ،

نحن اجتمعنا هنا سويا في العالم الاخر نحن نشعر بكم دائما ونراقبكم لا تخف ستستطيع ان تنقذ شقيقتك ونحن سنساعدك لكن أردنا أن نحذرك ممن حولك سينار مازالت في عالمكم ، احذر ممن حولك جيدا يا بني وخاصتاً 'ض'  نحبك 

                                                       والديك"

مفهمش لؤي مين ض وليه سينار لسه مرجعتش طالما مبقاش محبوسه بين العالمين؟

ضم لؤي الرساله للشنطه واتجه بسرعه لبيت فارس 

لؤي: ها يا فارس وصلت لحاجه

فارس: بص هو الصوت ظهر بس مش واضح صوت بنت ولا ولد ولا اي هو صوت مبهم وتخين اوي

لؤي : تمام شكرا جدا يا فارس تعبتك

فارس: احنا اخوات متقولش كدا

مشى لؤي علي وعد بلقاء اخر 

(عدي اليومين وجه يوم الجلسه)

في المحكمه

القاضي: بعد الاطلاع علي الادله والبراهين وسماع شهادة الشهود والاطلاع علي مذكرات المجني عليه حكمت المحكمه حضوريا علي المتهمه : الينا اشرف عماد بالبرائه من التهمه المنسوبه اليها مع التحويل الي مستشفي الامراض العقليه والنفسيه رفعت الجلسه

لينا: انا مش مجنونه والله مش مجنونه 

اتحولت لينا لمستشفي المجانين بسبب أن كل الادله الي كانت مع لؤي اختفت ومقدرش يوصلها مع شهاده ايمن جوز الينا انها مش سويه وظهور بصمات لؤي علي السكينه الي قتلت باباهم واتحكم عليه بالإعدام لأنه مقدرش يلاقي دليل لبرائته حتي فارس اختفي تماما 

خرجت ضحي من المحكمه وهي ماسكه ولادها في أيدها ومنهاره من العياط علي جوزها وشريك عمرها الي هيتعدم ظلم وبمجرد مركبت عربيتها اتحولت نظراتها لنظرات شيطان وضحكت بهيستريا وانطلقت بالعربيه للفيلا

*تمت*

ملك مصطفي